دخلت غرفة السموليتر، قعدت قدام الشاشة، وبدأت تعرق؟

شرح مبسط لغرفه السموليتر

ده شعور طبيعي. امتحان العملي في شهادة IWCF مش بيقيس بس قدرتك الفنية، ده بيقيس "أعصابك".

ناس كتير بتبقى ممتازة نظرياً، وتيجي في العملي تسقط بسبب "توتر زيادة" أو "حركة إيد سريعة". هنا الخلاصة عشان تنجح في السموليتر سواء كنت Driller Level 3 أو Supervisor Level 4.

 

1. عدوك الأول: الـ Lag Time (التأخير)

أكبر غلطة هي التعامل مع الـ Choke كأنه دراع "بلاي ستيشن". لما تحرك الـ Choke، الضغط مش بيتغير في نفس اللحظة.

الحل السحري:

حرك الـ Choke حركة بسيطة (Tap).
استنى ثانيتين أو تلاتة (Wait).
شوف العداد بيتحرك فين (Observe).
لو فضلت تفتح وتقفل بسرعة، هتعمل Oscillation والضغط هيركب المرجيحة، وهتسقط.

2. عينك على أنهي عداد؟

دي التركة اللي بتوقع ناس كتير:
أثناء الـ Startup: عينك على الـ Casing Pressure. حافظ عليه ثابت وانت بتزود الـ SPM.
بعد ما تثبت الـ Pump: انقل عينك فوراً على الـ Drillpipe Pressure وده اللي هتمشي عليه.

3. التعامل مع الطلمبات (Pumps)

ماترفعش الـ SPM مرة واحدة. ارفع بالتدريج (5.. 10.. 20..)، وفي نفس الوقت إيدك اليمين على الـ Choke بتفتح ببطء عشان تعادل الضغط. التناغم بين الإيدين هو السر.

4. لو حصلت مشكلة (Troubleshooting)

لو المراقب عملك مشكلة زي (Plugged Nozzle) والضغط اتغير فجأة:

ماتحاولش تضبطه بالـ Choke فوراً. التصرف الصح هو وقف الضخ (Shut down)، واقفل البير، وبلغ المراقب. ده بيتحسبلك نقطة أمان (Safety First).

نصيحة: خليك هادي، حركتك رزينة، والنجاح في السموليتر 90% ثبات انفعالي.

تعديل المقال