.jpg){kind=small}
حل وشرح أسئلة IWCF P&P - طريقة الحفار (Driller's Method)
استكمالاً لسلسلة إجراءات القتل.. في الجزء الثاني اتكلمنا عن الإجراءات العامة. النهادرة هنشرح أشهر طريقة: Driller's Method. الطريقة دي مش محتاجة حسابات معقدة ولا طفلة جاهزة، ابدأ شغل واقتل البير فوراً.
السؤال 9.20
السؤال: في بداية الدورة الثانية (Second Circulation) لطريقة الحفار، ما هي العملية الصحيحة؟
الإجابة (D):
تدوير عمود الحفر بطفلة القتل (Kill Fluid) مع الحفاظ على ضغط الكيسنج ثابتاً.
الشرح: - الدورة الأولى: طلعنا الغاز بالطفلة القديمة. - الدورة الثانية: بنضخ الطفلة التقيلة (KMW). وإحنا بنملأ المواسير بالطفلة الجديدة، لازم نثبت ضغط الكيسنج عشان نحافظ على الـ BHP ثابت ونمنع أي غاز جديد يدخل.
السؤال 9.21
السؤال: أثناء الدورة الثانية، ما الإجراءات التي يجب اتخاذها؟ (اختر إجابتين)
الإجابة (A, B):
1. اضبط الشوك للحفاظ على ضغط المواسير ثابتاً، أثناء ضخ طفلة القتل من الدقاق للسطح.
2. اضبط الشوك للحفاظ على ضغط الكيسنج ثابتاً، حتى تصل طفلة القتل للدقاق.
الشرح: الدورة الثانية بتتقسم نصين:
1. من السطح للدقاق: بنثبت ضغط الكيسنج (عشان الـ Annulus لسه فيه طفلة قديمة).
2. من الدقاق للسطح: بنثبت ضغط المواسير (عشان المواسير اتملت طفلة تقيلة وضغطها بقى FCP).
السؤال 9.22
السؤال: متى يتم الوصول لضغط التدوير النهائي (FCP) في الدورة الثانية؟
الإجابة (A):
بعد وصول طفلة القتل إلى الدقاق (After kill fluid reaches the bit).
الشرح: الـ FCP هو الضغط اللازم لتدوير الطفلة التقيلة في النظام. بمجرد ما الطفلة التقيلة تملأ المواسير وتوصل للدقاق، ضغط المواسير بينزل من ICP لـ FCP وبيثبت على كدة لحد ما الطفلة تطلع عالسطح.
السؤال 9.23
السؤال: أثناء الدورة الثانية (مفيش غاز في الـ Annulus)، ماذا يحدث لضغط الكيسنج أثناء ضخ طفلة القتل للدقاق؟
الإجابة (C):
سيظل ضغط الكيسنج ثابتاً (Constant).
الشرح: وإحنا بنملأ المواسير بالطفلة التقيلة، الـ Annulus لسه مليان طفلة قديمة ونظيفة (لأننا طلعنا الغاز في الدورة الأولى). وبما إننا بنثبت ضغط الكيسنج بالخنق، فالقيمة هتفضل ثابتة (تساوي SICP الأصلي) لحد ما الطفلة التقيلة تبدأ تطلع في الـ Annulus.
السؤال 9.24
السؤال: أثناء القتل، تم زيادة سرعة المضخة وضبط الشوك لتثبيت ضغط الكيسنج. إذا كان التدفق فوق الحذاء، كيف يتأثر ضغط الحذاء؟ (أهمل الاحتكاك)
الإجابة (C):
سيظل ضغط الحذاء ثابتاً.
الشرح: طالما الغاز فوق الحذاء، وثبتنا ضغط الكيسنج، فإحنا مثبتين الضغط في المنطقة العلوية. وبما إن عمود الطفلة تحت الغاز (عند الحذاء) وزنه ثابت، فالضغط عند الحذاء هيفضل ثابت.
السؤال 9.25
السؤال: أثناء استخدام Driller’s Method وتثبيت BHP، انخفض ضغط الـ Annulus ثم زاد تدريجياً. ما السبب؟
الإجابة (B):
نقصان في ارتفاع التدفق (Reduction in influx height).
الشرح: لما الغاز يدخل منطقة واسعة (Washout) أو يخرج من الـ Drill Collars للـ Drill Pipe Annulus، طول فقاعة الغاز بيقل (بتقصر).
لما الفقاعة تقصر، بتغطي مساحة أقل من جدار البير، فالهيدروستاتيك بيزيد سيكة، وعشان الـ BHP ثابت، ضغط الكيسنج بيقل لحظياً لتعويض الزيادة دي.
السؤال 9.26
السؤال: رفسة مياه عذبة (Fresh Water) يتم تدويرها. متى يصل ضغط الكيسنج لأقصى قيمة؟
الإجابة (A):
مباشرة بعد قفل البير واستقرار الضغوط.
الشرح: المية (السائل) غير قابلة للانضغاط، فمش هتتمدد زي الغاز وهي طالعة. وبالتالي مش هتعمل إزاحة إضافية للطفلة. فأعلى ضغط هو الضغط الأولي (Initial Shut-in)، وبعد كدة الضغط هيفضل ثابت أو يقل بسيط بسبب الاحتكاك.
السؤال 9.27
السؤال: يتم تدوير غاز بطريقة الحفار. ماذا يحدث لـ BHP إذا لم يُسمح للغاز بالتمدد؟
الإجابة (A):
سيزداد (It will increase).
الشرح: الغاز وهو طالع الضغط عليه بيقل، فلازم يتمدد (قانون بويل). لو إنت "خنقته" ومنعته يتمدد (بإنك قافل الشوك ومثبت الحجم)، ضغطه الداخلي هيفضل عالي جداً (High Pressure Packet). الضغط ده هيتجمع على الهيدروستاتيك، وهيكسر البير من تحت (BHP Increases).
السؤال 9.28
السؤال: ماذا يحدث لضغط الحذاء (Shoe Pressure) عندما يمر التدفق (Influx) عبر الحذاء؟
الإجابة (A):
سيقل ضغط الحذاء (Will decrease) ؟ **(تنبيه: هنا الإجابة في الجدول A، ولكن علمياً المفروض يزيد أو يوصل للذروة).**
تحليل الإجابة (A): الجدول بيقول A. التفسير الوحيد المقبول للامتحان ده هو إن السؤال يقصد "بعد" ما الغاز يعدي بالكامل، أو إن الغاز بيتمدد بسرعة فبيقلل الكثافة الكلية فوق الحذاء. (التزم بـ A للامتحان).
السؤال 9.29
السؤال: ماذا يحدث لضغط الحذاء عندما يتجاوز التدفق الحذاء (Has passed)؟
الإجابة (C):
سيظل ثابتاً (Stay the same).
الشرح: بمجرد ما الغاز يطلع فوق الحذاء، العمود اللي تحت الحذاء (بين الحذاء والقاع) بيبقى كله طفلة نظيفة. وبما إننا محافظين على BHP ثابت، فالضغط عند الحذاء هيفضل ثابت ومش هيتأثر بتمدد الغاز اللي بيحصل فوقه.
الزتونة في طريقة الحفار (Driller's Method)
- الميزة: بسيطة، مش محتاجة حسابات، بتبدأ فوراً.
- الدورة الأولى: هدفها إخراج الغاز. (ثبت ضغط الكيسنج).
- الدورة الثانية: هدفها قتل البير. (ثبت ضغط الكيسنج لحد ما الطفلة توصل للدقاق، وبعدين ثبت ضغط المواسير).
- ضغط الحذاء: بيوصل للقمة لما الغاز يكون عند الحذاء، وبيثبت لما الغاز يعديه.
Deep Drill - دليلك الأول في هندسة الحفر