.jpg){kind=small}
حل وشرح أسئلة IWCF P&P - قراءة العدادات وذوبان الغاز
استكمالاً لسلسلة إجراءات القفل.. في الجزء الأول اتكلمنا عن الـ Hard Shut-in. النهادرة في الجزء الثاني هنشرح إزاي تقرأ العدادات وتفهم لغز الغاز في الطفلة الزيتية.
بعد ما قفلنا البير، عينك لازم تفضل على العدادات. ضغط المواسير (SIDPP) وضغط الكيسنج (SICP) هما اللي هيحكولك إيه اللي بيحصل تحت. في الجزء ده هنعرف ليه القراءات بتختلف، وإزاي نحسب وزن الطفلة الجديد، وليه الغاز في الطفلة الزيتية (Oil Base) بيكون "عدو خفي".
السؤال 8.12
السؤال: بعد قفل البير، قد يستغرق تراكم الضغط (Pressure Build-up) من 5-10 دقائق. ما الذي يؤثر على وقت التراكم؟
الإجابة (D):
نفاذية الطبقة (Formation Permeability).
الشرح: الضغط بيتنقل من الطبقة للبير. لو الطبقة نفاذيتها عالية (High Permeability) زي الرمل، الضغط هيزيد ويثبت بسرعة. لو نفاذيتها واطية (Low Permeability) زي الطفلة، الضغط هياخد وقت طويل عقبال ما يتنقل ويثبت.
السؤال 8.13
السؤال: بئر رأسي مغلق. (SIDPP = 520 psi) و (SICP = 630 psi). ما سبب الاختلاف؟
الإجابة (C):
كثافة التدفق (Influx) أقل من كثافة سائل الحفر.
الشرح: المعادلة بتقول: SICP - SIDPP = Hydrostatic (Mud) - Hydrostatic (Influx).
بما إن الـ Annulus فيه غاز (خفيف) والمواسير فيها طفلة (تقيلة)، فالضغط الهيدروستاتيكي في الـ Annulus أقل، وعشان يحصل توازن، لازم ضغط السطح (SICP) يكون أعلى لتعويض الفرق ده.
السؤال 8.14
السؤال: عند ملء الـ Kill Sheet، ما البيانات المطلوبة لحساب كثافة طفلة القتل (KMW)؟
الإجابة (D):
Current Mud Weight, TVD, SIDPP.
الشرح: معادلة الـ KMW:
KMW = OMW + (SIDPP ÷ 0.052 ÷ TVD).
لازم يكون معاك ضغط المواسير (SIDPP) لأنه هو اللي بيعكس ضغط الطبقة الصافي من غير تلوث بالغاز. الـ SICP ملوش لازمة في الحسبة دي.
السؤال 8.15
السؤال: أي قيمة تستخدم لحساب زيادة الكثافة المطلوبة للسيطرة على البئر؟
الإجابة (D):
Shut in Drill Pipe Pressure (SIDPP).
الشرح: نفس الفكرة. الـ SIDPP هو الفرق المباشر بين ضغط الطبقة وضغط عمود الطفلة النظيفة داخل المواسير. هو ده الرقم اللي بنبني عليه كل حساباتنا.
السؤال 8.16
السؤال: ما العوامل التي تؤثر على الـ SIDPP؟ (اختر إجابتين)
الإجابة (B, C):
1. كثافة سائل الحفر في العمود (Drilling fluid density in the string).
2. ضغط الطبقة (Formation pressure).
الشرح: SIDPP = Formation Pressure - Hydrostatic Pressure (String).
أي تغيير في ضغط الطبقة أو وزن الطفلة هيغير قراءة العداد. حجم الـ Influx ملوش علاقة بالـ SIDPP (بفرض إن الغاز مدخلش المواسير).
السؤال 8.17
السؤال: عند حدوث رفسة، ما تأثير حجم التدفق الكبير (Large Influx Volume)؟
الإجابة (C):
سيؤدي لارتفاع الـ SICP لكن الـ SIDPP لن يتأثر.
الشرح: الغاز موجود في الـ Annulus. كل ما حجمه يزيد، كل ما يطرد طفلة أكتر، فالضغط الهيدروستاتيكي في الـ Annulus يقل، وبالتالي الـ SICP يزيد عشان يعوض.
أما الـ SIDPP فمرتبط بالمواسير اللي فيها طفلة نظيفة، فمش هيتأثر بحجم الغاز اللي برة.
السؤال 8.18
السؤال: إذا كان الـ Annulus محملاً بالفتات (Cuttings)، كيف سيؤثر ذلك على الـ SICP؟
الإجابة (B):
SICP سينخفض (Will decrease).
الشرح: الفتات (Cuttings) كثافتها أعلى من الطفلة. وجودها في الـ Annulus بيزود الوزن الكلي للعمود (Hydrostatic)، فبالتالي الضغط المطلوب على السطح (SICP) عشان يوازن الطبقة هيكون أقل.
السؤال 8.19
السؤال: طفلة 10.3 ppg. البئر مغلق، SIDPP = 0، SICP = 200. ما كثافة القتل المطلوبة؟
الإجابة (A):
10.3 ppg.
الشرح: طالما الـ SIDPP بصفر، ده معناه إن الهيدروستاتيك بتاع الطفلة الحالية (10.3) كافي ومساوي لضغط الطبقة (Balanced). مش محتاج تزود وزن، المشكلة بس إن فيه شوية غاز في الـ Annulus عملوا الـ 200 psi دول. الحل إنك تدور الطفلة وتطلع الغاز (Circulate out) بنفس الوزن.
السؤال 8.20
السؤال: بئر مغلق. SIDPP = 435 psi، SICP = 0 psi. ما السبب المرجح؟
الإجابة (C):
البئر مسدود حول الـ BHA (Packed off around BHA).
الشرح: مستحيل الـ SICP يكون صفر وفي ضغط في المواسير (إلا لو البير فاضي).
الحالة الوحيدة المنطقية إن الـ Annulus اتسد (Pack-off) تحت الـ BOP، فالعداد مش قاري الضغط الحقيقي اللي تحت السدد.
السؤال 8.21
السؤال: بعد الغلق، الضغوط زادت ثم فجأة انخفض الـ SICP وتبعه انخفاض في الـ SIDPP. ماذا حدث؟
الإجابة (A):
طبقة ضعيفة انكسرت (Weak formation broken down).
الشرح: الزيادة كانت بسبب هجرة الغاز. الانخفاض المفاجئ في الـ Casing معناه إن الطفلة لقت مهرب (Losses) والطبقة اتكسرت. ولما المستوى نزل في الـ Annulus، عمل U-tube وسحب الضغط من المواسير كمان.
السؤال 8.22
السؤال: بئر مغلق، يوجد Float في العمود، والعداد يقرأ صفر. كيف تحدد كثافة القتل؟
الإجابة (C):
ابدأ بالضخ ببطء شديد. عندما يفتح الـ Float، أوقف المضخة. الضغط المقروء هو الـ SIDPP الحقيقي.
الشرح: الـ Float بيمنع قراءة الضغط. عشان تقرا، لازم تضغط من فوق لحد ما تتغلب على الضغط اللي تحت الـ Float ويفتح. اللحظة اللي يفتح فيها (الضغط يثبت أو يزيد بانتظام) هي دي قيمة الـ SIDPP.
السؤال 8.23
السؤال: في بئر أفقي، حدثت رفسة غاز في الجزء الأفقي. ماذا تتوقع للـ SIDPP و SICP؟
الإجابة (A):
كلاهما متساويان تقريباً (Both are about the same).
الشرح: في الجزء الأفقي، مفيش فرق في الارتفاع الرأسي (TVD) بين الغاز والطفلة. فالغاز مش بيقلل الهيدروستاتيك لأنه ممتد أفقياً. في الحالة دي، الضغوط على السطح هتكون متقاربة جداً.
السؤال 8.24
السؤال: هل الغاز الهيدروكربوني أكثر قابلية للذوبان في الطفلة المائية عنه في الزيتية؟
الإجابة (B):
لا (No).
الشرح: الغاز بيدوب في الزيت (Oil Base Mud) بسهولة جداً، لكنه مابيدوبش في المية.
السؤال 8.25
السؤال: لماذا يصعب اكتشاف تدفق الغاز في الطفلة الزيتية؟
الإجابة (C):
لأن الغاز الهيدروكربوني يذوب في الطفلة الزيتية (Soluble in OBM).
الشرح: في الـ OBM، الغاز بيدوب وبيختفي جوة الطفلة ومابيعملش زيادة في الحجم (Pit Gain) في قاع البير. فمبتشوفش أي علامة غير لما الغاز يطلع قرب السطح (Bubble Point) وينفجر فجأة.
السؤال 8.26
السؤال: لماذا يسهل اكتشاف الغاز في الطفلة المائية؟
الإجابة (C):
لأن الغاز غير قابل للذوبان (Insoluble) في الطفلة المائية.
الشرح: في الـ WBM، الغاز بيفضل على حالته الغازية، فبيزاح حجم طفلة وبيعمل Pit Gain واضح وسريع بمجرد دخوله البير.
الزتونة في العدادات والذوبان
- SIDPP: هو مفتاح الحل وحساب الـ KMW.
- SICP: بيتأثر بحجم الغاز. كل ما الغاز يزيد، الـ SICP يزيد.
- الـ OBM: غدارة. الغاز بيدوب فيها ومبيبانش غير على السطح. خليك حذر جداً.
- الـ Float: عشان تقرا ضغط المواسير، لازم تضخ بالراحة لحد ما يفتح.
Deep Drill - دليلك الأول في هندسة الحفر